Avec grande raison fut faicte la recherche des francs Fiefs, & nouveaux acquets, & de ceux qui durant les horribles confusions de la France, de roturiers s'estoient faict Gentilhommes à la foule du Peuple, lequel par ce moyen portoit tout le faix des Tailles & impositions, dont ceux-cy se deschargeoient. Pour mesme subiect ceux de la franchise de Challo sainct Mard furent heurtez, & leur Privileges iugez trop excessifs, cassez & revocquez. Ceste famille de Challo Sainct Mard est fort ancienne, ayant duré en ses franchises & libertez prés de cinq cens ans. Elle à pris la descente d'un nommé Euldes le Maire Chastellain de Challou dict Sainct Mard (c'est à dire Medard) Village assis à une lieuë d'Estampes, Ville Capitale de Beauce, renommée pour son antiquité par Grégoire de Tours, livre neufiesme, chapitre vingtiesme de l'Histoire de France. Cest Euldes le Maire estoit Chambellan, c'est à dire, Vallet de Chambre du Roy Philippes premier du nom, lequel ayant faict voeu de faire le voyage de la Terre Saincte tout armé, en fust desconseillé par les Prélats & Seigneurs de France. En son lieu ledict Euldes le Maire fit ce voyage tout armé : comme on le void depeint au Cabinet du Roy, & en plusieurs autres lieux. Auparavant que de partir ledict Roy Philippes premier se declara Baillistre & garde-Noble dela femme dudict Euldes le Maire, & de ses enfans, en faveur desquels il donna des Privileges, le plus grand et remarquable desquels estoit que les Fiscalins espousants les filles dudict le Maire, & celles qui descendroient d'elles, seroient francs, c'est à dire, Nobles & affranchis de totue servitude. Ainsi les femmes annoblissoient les hommes, comme l'ont dict que font les Demoiselles de Champagne par un Privilege qu'on leur attribue, que ie n'ay iamais leu. Voicy celuy de Philippes premier, lefondement & la source de la franchise de Challo Sainct Mard:Ce privilege dict vulgairement, La Chartre de la Franchise.
NOTUM fieri volumus tam praefentibus quam futuris. QUOD ODO MAIOR DE CHALLO, nutu Diuino, concessu Illustrissimi Regis nostri Philippi, ad Sepulchrum Domini perrexit, qui Ancelidum filium suum, et quinque praefatis sororibus suis Odonis filiabus, pro Dei amore, sola charitatis gratia, et SANCTI SEPULCHRI reverencia, quof si haeredes lasculi ex ipsis exeuntes, faminas iugo servitutis Regis detentas, matrimonio duxerint, liberabat, et à vinculo servitutis absoluebat. Si vero serui Regis faeminas de genere haeredum Odonis, maritali lege ducerent, ipsa cum haeredibus suis, non sint amodo de servitute Regis. Praterea haeredibus Odonis, et eorum haeredibus, marchiam suam de Challo, et homines suos custodiendos in feudo concessit. Fsaque pro nullo famulorum Regis, nisi pro solo Rege Justitiam facerent.

Recherche des Francs Fiefs, & nouveaux acquets
         &

de la franchise de Challo S. Mard.

descédue d'Eudes le Maire, lequel

faict le voyage d'Oultre-mer tout armé pour acquitter le voeu faict par

Philippes premier, qui se faict Baillistre de la femme & enfans dudit Eudes le Maire

Auquel il dóne de grands Privileges & franchises, par sa

Chartre de la Fráchise de Challo . Mard